Kategoriaren artxiboak: Sailkatugabeak

Joan jakun Manolo

Pasadan astean joan zitzaigun Imanoñ Urbieta, Manolo.

Ez naiz hasiko hemen azaltzen  euskal kulturarentzako nor izan den eta zer egin duen. Zerrenda luzea egitea litzateke eta ez da hori kontua.

Guk Manolo ezagutu genuenean musika hezkuntzaz genekiena gutxi zen, tira, hezkuntzaz orohar. Kontxirekin eta Manolorekin ikasi genuen zein garrantzitsua den jolasa irakaskuntzan. Umeak nonbait komunikatzen bada jolasean dela eta jolasaren bidez urbilduko gatzaizkiola. Musika, jolasa eta euskara uztartzea izan genuen helburu. Haien baimenarekin, material guztia eman eta gero, askatasunez jokatzeko eta gure bidea egiteko utzi gintuzten. Esperientzia dibertigarria izan da, jostagarria eta eraikitzailea guretzat eta espero dugu gure inguruan egon direnentzat ere.

Aurreko asteburuan, larunbatean, Bilbon Manolori  egindako  homenaldian berriro elkartu ginen eta primeran pasa genuen. Izan zinelako gara Manolo. Besarkada bat

Aizarnako ganbaran xagu izaten ikasten ibili ziren Bilbotarrak

imanol eta gu             txirula-festa                                                                                                            img-20161001-wa0013

Printzesa bizardunak

Printzesa bizardunak jostailuekin egindako abestiak egiten dituzte.

Proiektu hau Kataluniako Princeses Barbudes taldekoek egin zuten. Umeentzako musika eta kantaz osatuta dago. Gaia Gaua da; gaueko pertsonaiek, gauzek, animaliek… osatzen dituzte poesiaz eta ludikotasunez jositako hitzek. Jostailuekin egindako abesti ederrak dira eta aukera dago euskaraz entzun eta gozatzeko Gaueko Entziklopedia Koxkorra delakoan.

Gure proiektuak Imanol Urbietaren lana ez ezik umea, musika eta euskara uztartzen dituen beste lan batzuk ere ezagutarazi nahi ditu eta hau oso interesgarria dela iruditzen zaigu.

barbudes

 

Haizearen herria

Pantailan karaokea jartzearen helburua, behintzat nire ustez, irakasleek abestia ikastea da, ez irakaslea ordezkatzea.

Irakasleak ahotsa umeen erritmora egokitu dezake eta lotura berezia sortzen da irakaslearekin honek abesten duenean, irakasleari adi entzuten ikasteko bidea izanik. Gainera, irakasleak kitarrarekin abestia lagundu ahal badu hobeto!

Oso garrantzitsua beti kantua keinuz laguntzea. Keinuak dantzaren sarbide dira, hitzak ikasteko beste baliabide bat dira, gorputzaren adierazkortasunari laguntzen diote eta ume txikiei asko gustatzen zaizkie gainera.

Haur Hezkuntzako irakasleentzat eta baita familientzat ere, kantu eder hau. Gozatu!

Imanol Urbieta

imanol eta gu

Imanol Urbietaren lanetik abiatu zen Xirula Mirula eta Bizkaiko Xirula Mirularen ibilbidea Imanol Urbietarekin Aizarnako ganbaran hasi zen. Han Kontxi eta Manolorekin Ran Roberran proiektuko VHS bideoak ikusten hasi eta abesten jarraitu genuen. Gogoan dut bost asterako programazio bat eman zigula Kontxik hasteko eta hortik aurrera gure esku utzi zutela dena.

Hurrengo bisita Donostiako auzoan dagoen Amarako Xirula Mirula musika saialekura egin genuen.  Han Joxean eta Kontxi umeekin lanean ikusi genituenean  argitu zitzaizkigun zalantzak. Umeekin jolasean eta musikarekin dibertitzea. Tira! Ez zirudien horren zaila ere!

Ez zen ordea horren erraza ere. Lehenengo urteetan, asteazkenero biltzen ginen Karmelo Ikastolako tutoretza baten programazioak eta materialak egiten, umeekin genituen arazoak elkarrekin eztabaidatzen… Hortik atera zen gaur egunerarte iraun duen Bizkaiko Xirula Mirularen oinarria, irakasle berriei trasmititzen saiatzen garena.

Lanean hasteko bidea erakutsi ziguten eta askatasuna behar genuela gero guk gure bidea egiteko. Guzti honegatik eta gugan jarri zuten konfiantzagatik mila esker Manolo, Kontxi eta Joxean!

Metodoa

azalak

Xirula Mirularen atzean metodo zehatz bat dago Imanol Urbieta eta kontxi Aizarnak Xirula Mirula Musika saialekuan hasi eta sendotu zutena. Gaur egun material hauek oso zabalduta daude Euskal Herrian, bereziki Ikastolen Elkartean eta eskola publikoetan musikako ikasgaian.

Euskal Herrian esanahi berezia hartzen du metodoak, musika ikasi eta irakasteko metodo guztiak herri baten kulturan oinarrituta dauden heinean gureak Euskal Herriko kultura musikalean eta folklorean sustraituta bait dago. Honek ez du esan nahi kanpoko beste metodo batzuk kontuan hartu ez direnik, Imanol Urbietaren lanetan askotan aipatzen bait dira Kodály edo Aucouturier moduko autoreak.

Umea jolasten, abesten, dantzatzen…dagoen bitartean, irakasleon baitan dagoena edukin zehatz batzuen lanketa da. Xedea: musikaren bidez haurraren garapen integrala lortzea bere erritmoa errespetatuz eta bere lengoaia propioa baliatuz, alegia, jolasa. Guzti hau gure hizkuntzan eta humore onean!

Ane eta Eire

Ane Martinez eta Eire Larrea sortzaileen gune honetan elkarrekin agertzen dira, biak direlako partaide “Pentatonix Folk” taldean. Xirula Mirulatik pasatutakoak dira ikasle bezala Irati eta irakasle bezala Maddi eta Naroa ere. Gaur egun Xirula Mirulan Karmelon eta Getxon jarraitzen dutenak Ane eta Eire dira eta zer esan haiei buruz? Irakaslearen ahotsa eredugarria izan behar badu  umeentzat, gaur egun gurean dauden bi irakasle hauekin eredu ezin hobea dutela, dinamizatzaile moduan primerakoak direla ere eta langile finak.  Argazki honek islatzen du hoberen neska hauek duten onena, bere humorea!

pentatonix_folk_1373017307

Aingeru Gorrotxategi

Aingeru Xirula Mirulako irakaslea da duela lau urtetik hona. Musikako ohiko saioetaz gain, gitarrako irakasle aparta ere bada LH 4. mailatik DBHko 3.mailara oraingoz, Solokoetxeko taldeek urtetik urtera aurrera jarraitzen dute eta.

Aurreko urtean, Durangoko Azokan, Ahotsenean  bere hirugarren CD-a aurkeztu zuen, “Bueltaka”. Gitarrako ikasleek Durangoko Azokakoek baino lehenago izan zuten horren berri eta “Non dago giltza?” abestia jotzen  ikasi zuten egilearekin batera.

Aingeru Gorrotxategi aurkezpenean_1_content